1. ერთიანი ეროვნული გამოცდების შედეგების გამოცხადებისთანავე სტუდენტი უნდა გამოცხადდეს აკადემიაში და წარმოადგინოს რეგისტრაციისათვის აუცილებელი შემდეგი საბუთები:

1. განცხადება აკადემიის რექტორის სახელზე;

2. პირადობის მოწმობის ქსეროასლი;

3. ატესტატი (დედანი) ან ატესტატის ასლი ნოტარიულად დამოწმებული;

4. 4 ფოტოსურათი 3X4 ფორმატის და ელექტრონული ვერსია;

5. წვევამდელის სამხედრო-სააღრიცხვო მოწმობა (დედანი) ან სამხედრო ბილეთის ასლი (მხოლოდ საქართველოს მოქალაქეობის მქონე ვაჟებისათვის);

6. ჯანმრთელობის ცნობა საზღვაო ფლოტის გემების მცურავ შემადგენლობაში ვარგისიანობის დასადგენად (ფორმა №086 ან №100). სამედიცინო შემოწმება უნდა ჩატარდეს:

• შპს „საოჯახო მედიცინის რეგიონული ცენტრი“  მისამართი: ქ. ბათუმი, ბარათაშვილის ქ.N30 ( ყოფილი ბავშვთა პოლიკლინიკა). 

• შპს ,,საგიტარიუსი – მეზღვაურთა სამედიცინო ცენტრი" - გორგილაძის ქუჩა #91

• სს ,,მეზღვაურთა სამედიცინო ცენტრი 2010" ტაბიძის ქუჩა #2

თუ ცნობის საფუძველზე არ დგინდება სტუდენტის ვარგისიანობა საზღვაო სპეციალობებზე სწავლის გასაგრძელებლად, სტუდენტი ხელს აწერს გაფრთხილების ბარათს და ეძლევა რეკომენდაცია მეორე სემესტრიდან ისარგებლოს შიდა მობილობის უფლებით.

2. სტუდენტთა რეგისტრაციის მონაცემების საფუძველზე  მზადდება რექტორის ბრძანება სტუდენტთა ჩარიცხვის შესახებ, რომლის შედეგადაც კანდიდატს მიენიჭება ბათუმის სახელმწიფო საზღვაო აკადემიის სტუდენტის სტატუსი.

 3. ჩარიცხვის შემდეგ სტუდენტი ვალდებულია გააფორმოს ხელშეკრულება ბათუმის სახელმწიფო საზღვაო აკადემიასთან, წარმოადგინოს ხელშეკრულებით ნაკისრი ვალდებულებით გადახდილი სწავლის საფასურის დამადასტურებელი ქვითარი.