ბათუმის სახელმწიფო საზღვაო აკადემიის ბიზნესისა და მართვის ფაკულტეტზე გაიმართა შეხვედრა დამსაქმებლებთან თემაზე: „სტუდენტთა შემდგომი დასაქმების ხელშეწყობა“.

ბათუმის სახელმწიფო საზღვაო აკადემია მასწავლებელთა შერჩევის მიზნით აცხადებს ღია კონკურსს ფაკულტეტების მიხედვით. კონკურსი გამოცხადდეს საზღვაო საინჟინრო ფაკულტეტის ყველა სასწავლო დისციპლინასა და ბიზნესისა და მართვის ფაკულტეტის ყველა სასწავლო დისციპლინაზე.

საქართველოს ეკონომიკისა და მდგრადი განვითარების სამინისტროს ბათუმის სახელმწიფო საზღვაო აკადემიაში საზაფხულო სკოლა ,,სოფლად ტურიზმის მდგრადი განვითარება“ ტარდება. სწავლება პროექტის ,,მდგრადი ტურიზმი: სოფლად მეწარმეობა და კულტურული მემკვიდრეობა“ ფარგლებში იმართება. საზაფხულო სკოლის მიზანია, ხელი შეუწყოს ინტერნაციონალიზაციას, ერთობლივი სტუდენტური პროექტების განხორციელებასა და უცხოური გამოცდილების გაზიარებას. საზაფხულო სკოლაში მონაწილეობენ ბათუმის შოთა რუსთაველის სახელმწიფო უნივერსიტეტის, სამხრეთ-აღმოსავლეთ ნორვეგიის უნივერსიტეტის (USN), ყირგიზეთის პარტნიორი უნივერსიტეტების, აკაკი წერეთლის სახელმწიფო უნივერსიტეტის, და საზღავაო აკადემიის პროფესორ-მასწავლებლები და სტუდენტები.

მეზღვაურთა ღვაწლის დასაფასებლად - 25 ივნისი მეზღვაურთა საერთაშორისო დღედ საერთაშორისო საზღვაო ორგანიზაციამ (IMO) გამოაცხადა. ამ დღეს მსოფლიო 2011 წლიდან აღნიშნავს. საქართველოს ეკონომიკისა და მდგრადი განვითარების სამინისტროს სსიპ საზღვაო ტრანსპორტის სააგენტოს ორგანიზებითა და ბათუმის სახელმწიფო საზღვაო აკადემიის ჩართულობით 25 ივნისი ბათუმში 8 წელია მასშტაბურად აღინიშნა.