2013 წლის 15–20 ივლისს სამხრეთ კორეის ქალაქ მოკპოს ნაციონალურ საზღვაო უნივერსიტეტში KAIMST (Korea Advanced Institute of Maritime Safety Technology) პროგრამის ფარგლებში და მოკპოს ნაციონალურ საზღვაო უნივერსიტეტსა და ბათუმის სახელმწიფო საზღვაო აკადემიას შორის დადებული თანამშრომლობის მემორანდუმის საფუძველზე, კორეის მხარის მიწვევით იმყოფებოდა საზღვაო ნავიგაციის მიმართულების პროფესორი ავთანდილ გეგენავა, რომელმაც წაიკითხა რამდენიმე ლექცია საქართველოში საზღვაო განათლების სისტემის, საზღვაო ტრანსპორტის სფეროში მიმდინარე რეფორმების და საზღვაო უსაფრთხოების საკითხებზე.

2013 წლის 22 ივლისის განცხადებაზე დამატებით წარმოგიდგენთ „აკადემიური თანამდებობის დასაკავებლად გამოცხადებული ღია კონკურსის ჩატარების წესს“ (დანართი 1).
კონკურსანტის ანკეტა იხილეთ (დანართი 2).
დამატებითი ინფორმაციისათვის მიმართეთ საპროცედურო კომისიას, აუდიტორია N1104
ოფიციალური ვებ-გვერდი: www.bsma.edu.ge.
ელექტრონული ფოსტა: elections@bsma.edu.ge
ტელეფონი: (422) 29 27 39

2013 წლის 19-21 ივნისს პოლონეთში, ქალაქ გდინიას საზღვაო უნივერსიტეტში ჩატარდა მე-10 საიუბილეო საერთაშორისო კონფერენცია- TransNav 2013 on Marine Navigation and Safety of Sea Transportation, რომელიც იმართება 2 წელიწადში ერთხელ. კონფერენციაში მონაწილება მიიღო მსოფლიოს 57 ქვეყნის 300 -დე წარმომადგენელმა. ბათუმის სახელმწიფო საზღვაო აკადემიიდან კონფერენციას ესწრებოდა საზღვაო ნავიგაციის მიმართულების პროფესორი ავთანდილ გეგენავა, რომელიც არის ამ კონფერენციის მუდმივი მონაწილე და სამეცნიერო ნაშრომების სარეცენზიო კომიტეტის წევრი.

ბათუმის სახელმწიფო საზღვაო აკადემიას 8-10 ივლისს ოფიციალური ვიზიტით ეწვია საზღვაო სასწავლებლების შავი ზღვის ასოციაციის (BSAMI) გენერალური მდივანი ბატონი ხისაში იამამოტო.
შეხვედრაზე განიხილა საზღვაო სფეროში მიმდინარე სხვადასხვა პრობლემატური საკითხები. მათ შორის კადეტთა საცურაო პრაქტიკით უზრუნველყოფა, საწვრთნელი გემის შეძენა და სხვა აქტუალური თემები. აგრეთვე დაიგეგმა საზღვაო სასწავლებლების შავი ზღვის ასოციაციის (BSAMI) გენერალური ასამბლეის ბათუმში ჩატარება 2014 წლის მაისში.

ბათუმის სახელმწიფო საზღვაო აკადემიის პროფესორ-მასწავლებლებმა 6 ახალი სახელმძღვანელო გამოსცეს. ,,გემის მართვა’’, ,,გამოყენებითი მექანიკა’’, ,,საზღვაო დაზღვევა და მასთან დაკავშირებული საკითხების სამართლებრივი რეგულირება’’,- ეს იმ სახელმძღვანელოთა არასრული ჩამონათვალია, რომლითაც სექტემბრიდან ბათუმის სახელმწიფო საზღვაო აკადემიის, საზღვაო საინჟინროსა და ბიზნესისა და მართვის ფაკულტეტის სტუდენტები სალექციო კურსს გაივლიან.
პრეზენტაციას ესწრებოდნენ: აკადემიის რექტორი და პროფესორ-მასწავლებლები. ახალი სახელმძღვანელოების გამოსაცემად საზღვაო აკადემიამ 10 000 ლარამდე დახარჯა.