კონკურსი გაიმართება 2013 წლის 04 ივლისიდან 2013 წლის 18 ივლისის ჩათვლით.
მსურველებმა კონკურის ჩატარების მიზნით შექმნილ კომისიაში უნდა წარადგინონ წინადადებები 2013 წლის 18 ივლისის ჩათვლით.
განცხადებები მიიღება რექტორის აპარატში კომისიის მდივანთან, ყოველ დღე შაბათ-კვირის გარდა, დღის 09-00 -დან 18-00- მდე.

2013 წლის 24-28 ივნისს რუსეთის ფედერაციის ქ.ნოვოროსისკში გაიმართა საზღვაო სასწავლებლების შავი ზღვის ასოციაციის მეოთხე ყოველწლიური გენერალური ასამბლეა და საზღვაო სასწავლებლების შავი ზღვის ასოციაციის პირველი საერთაშორისო კონფერენცია, რომელზეც იმყოფებოდა ბათუმის სახელმწიფო საზღვაო აკადემიის დელეგაცია. გენერალურ ასამბლეას ასევე ესწრებოდნენ: თურქეთის, ბულგარეთის, რუმინეთისა და უკრაინის დელაგაციები.

25 ივნისს, ბათუმის სახელმწიფო საზღვაო აკადემიაში გაიმართა მეზღვაურთა საერთაშორისო დღისადმი მიძღვნილი ღონისძიება. რომელსაც ესწრებოდნენ: ადგილობრივი და ცენტრალური მთავრობის, ეკონომიკისა და მდგრადი განვითარების სამინისტროს, განათლების, კულტურისა და სპორტის სამინისტროს, ყულევის, ფოთისა და ბათუმის პორტის, საქართველოს საზღვაო ტრანსპორტის სააგენტოს და საკრუინგო კომპანიების წარმომადგენლები.

ბათუმის საზღვაო აკადემია შეურთდა, საქართველოს უმაღლეს სასწავლებელში უკვე აპრობირებულ, საარჩევნო სისტემების საერთაშორისო ფონდის (IFES) მიერ ორგანიზებულ პროექტს და 2013 წლის 19 ივნისს ქ. თბილისში, მერაბ ბერძენიშვილის სახელობის კულტურის საერთაშორისო ცენტრ „მუზაში“ ოფიციალურ ცერემონიალზე, ექვს პარტნიორ უნივერსიტეტთან ერთად ხელი მოეწერა თანამშრომლობის მემორანდუმს. პროექტი მიზნად ისახავს აკადემიაში ახალი სასწავლო კურსის დანერგვას, სასწავლო სახელმძღვანელოებით უზრუნველყოფას და მისი განვითარების ხელშეწყობას.

ყველას გეპატიჟებით მეზღვაურთა საერთაშორისო დღისადმი მიძღვნილ ღონისძიებაზე, რომელიც გაიმართება ბათუმის სახელმწიფო საზღვაო აკადემიაში, 25 ივნისს 10 საათზე.
ღონისძიება გაიხსნება საქართველოს ჰიმნითა და დროშების აღმართვით.