2016 წლის 15 დეკემბერს ბათუმის სახელმწიფო საზღვაო აკადემიაში სამუშაო ვიზიტით იმყოფებოდნენ ათასწლეულის გამოწვევის ფონდი საქართველო (MCA-Georgia)-ს საგრანტო პროექტის ISWD (Industry-led Skills and Workforce Development) მენეჯმენტის ოფიცერი- ვალენტინ მიტევი და გრანტის ნაციონალური მენეჯერი - ცოტნე იაშვილი. ვიზიტი განხორციელდა საგრანტო პროექტის ფარგლებში და წარმოადგენდა პროექტის მიმდინარე პროცესის გეგმიურ მონიტორინგს.

აუდიტორებმა დაათვალიერეს აკადემიის ინფრასტრუქტურა და სასწავლო ლაბორატორიების სარემონტო სამუშაოები, გაეცნენ აპარატურის ინსტალირებისაათვის აუცილებელი მოსამზადებელი პროცესების მიმდინარეობას და ჩატარებული აქტივობებისა და ღონისძიებების დამადასტურებელ დოკუმენტაციას. ჩატარდა მიმდინარე პერიოდის ანგარიშგებითი პრეზენტაცია. დასკვნით შეხვედრაზე მხარეებმა მოისმინეს ერთმანეთის მოსაზრებები და მოთხოვნები შემდგომ სამუშაოებთან დაკავშირებით.