დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიის ბიბლიოთეკაში პოლიტიკის საგანმანათლებლო კვლევითი ასოციაციის დელეგატებმა საზღვაო აკადემიის სტუდენტებს საჯარო ლექცია წაუკითხეს. საჯარო ლექცია მიზნად ისახავდა სამოქალაქო საზოგადოების მნიშვნელობისა და მოქალაქეობრივი არსის წარმოჩენას სტუდენტებისათვის. ლექციის მსვლელობისას სტუდენტებმა მიიღეს სახალისო პრაქტიკული დავალებები, რამაც უფრო ინტერაქტიული გახადა აღნიშნული შეხვედრა. ლექცია კითხვა-პასუხის რეჟიმში გრძელდებოდა და შეხვედრის ბოლოს სტუდენტები სიმბოლური სერტიფიკატებით დაჯილდოვდნენ.