▶ დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას საზღვაო საკრუინგო კომპანიის "Columbia Ship Management"-ის სუპერინტენდანტი დმიტრი ჩერნენკო, ამავე კომპანიის დირექტორი ბათუმში ვლადიმერ შელია და სხვა წარმომადგენლები ეწვივნენ.

▶ დაისახა სამომავლო ურთიერთთანამშრომლობის პერსპექტივები, რაც უზრუნველყობს საზღვაო აკადემიის სტუდენტების საცურაო პრაქტიკასა და შემდგომ მათ დასაქმებას.

▶ სტუმრები გაეცნენ საზღვაო-საინჟინრო ფაკულტეტის სასწავლო პროგრამებსა და სასწავლო ინფრასტრუქტურას; დაათვალიერეს საზღვაო აკადემიის მატერიალურ-ტექნიკური ბაზა.

▶ საკრუინგო კომპანიის წარმომადგენლებმა კიდევ ერთხელ გამოხატეს დიდი ინტერესი საზღვაო აკადემიის მიმართ და აღნიშნეს, რომ დღეს, სასწავლებელი საკმაოდ მოთხოვნადი და პოპულარულია საერთაშორისო ბაზარზე არსებული დამსაქმებლებისათვის.