მიმდინარე წლის 30-31 აგვისტოს ბაათუმის სახელმწიფო საზღვაო აკადემიაში  ხელვაჩაურის მუნიციპალიტეტის გამგეობის თანამშრომლებისათვის ჩატარდა კვალიფიკაციის ასამაღლებელი კურსები  „ადამიანური რესურსების მენეჯმენტში“.

ტრენინგში მონაწილეობას ღებულობდა ხელვაჩაურის მუნიციპალიტეტის გამგეობის 10 (ათი) თანამშრომელი.

ტრენინგი ორგანიზებული იქნა ხელვაჩაურის მუნიციპალიტეტის გამგეობასა და ბსსა-ს ბიზნესისა და მართვის ფაკულტეტთან არსებული „ტურიზმში კომპეტენციათა რეგიონულ ცენტრს“ შორის გაფორმებული მემორანდუმის საფუძველზე.

მემორანდუმი მიზნად ისახავს ბათუმის სახელმწიფო საზღვაო აკადემიასა და ხელვაჩაურის მუნიციპალიტეტის გამგეობას შორის თანამშრომლობას სხვადასხვა მიმართულებით. მათ შორის, გამგეობაში სტუდენტების სტაჟირებას, ერთობლივი კვლევითი სამუშაოების წარმოებას და პერსონალის კვალიფიკაციის ამაღლებას სხვადასხვა მიმართულებით.

აღნიშნული მემორანდუმის საფუძველზე მიმდინარე წლის ზაფხულში ხელვაჩაურის მუნიციპალიტეტში სტაჟირება უკვე გაიარა ბიზნესისა და მართვის ფაკულტეტის ათმა სტუდენტმა.

უნდა აღინიშნოს, რომ ბსსა-ს ბიზნესისა და მართვის ფაკულტეტთან არსებული „ტურიზმში კომპეტენციათა რეგიონული ცენტრი“ ევროკავშირის ტემპუსის პროექტის Projekt 543681-TEMPUS-1-2013-1-DE-TEMPUS-JPHES „Network of competence centres for the development of cruise tourism in the Black Sea region" – CruiseT“ მხარდაჭერით შეიქმნა და მისი საქმინობის მთავარ მიმართულებას კადრების მომზადება, გადამზადება, კვალიფიკაციის ამაღლება, კვლევითი და კონსალტინგური მომსახურება წარმოადგენს.