საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას სანაპირო დაცვის დეპარტამენტის დირექტორი თემურ კვანტალიანი და დეპარტამენტის სხვა წარმომადგენლები ეწვივნენ.
აღნიშნულ შეხვედრაზე მხარეებს შორის დაისახა სამომავლო ურთიერთთანამშრომლობის პერსპექტივები, რაც გულისხმობს ერთობლივი პროექტების განხორციელებასა და გამოცდილების გაზიარებას, კერძოდ კი, საზღვაო აკადემიის სტუდენტების პროფესიულ გადამზადებას საზღვარგარეთ, შემდგომ სანაპირო დაცვის დეპარტამენტში დასაქმების პერსპექტივით. აგრეთვე, საყურადღებოა ის ფაქტი, რომ სანაპირო დაცვის ოფიცრები წვრთნა-გადამზადებას საზღვაო აკადემიის ბაზაზე არსებულ ტრენინგ ცენტრში გაივლიან. 
სამომავლოდ მხარეებს შორის ურთიერთთანამშრომლობის მემორანდუმის გაფორმება იგეგმება, რაც მნიშვნელოვნად დაეხმარება სტუდენტებს პრაქტიკული უნარ-ჩვევების გაუმჯობესებაში.