კომპანია "Eastern Pacific Shipping" საზღვაო აკადემიის კადეტებს საზღვაო პრაქტიკით უზრუნველყოფს. 
დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას კომპანია "Eastern Pacific Shipping"-ის დირექტორები კაპიტანი ანილ სინგჰი და გიორგი რამიშვილი, აგრეთვე "LAM SHIPPING Georgia"-ს გენერალური მენეჯერი თემელ შაშიკაშვილი ეწვივნენ.
აღნიშნულ კომპანიას ქართველ ოფიცრებთან მუშაობის ძალიან კარგი გამოცდილება აქვს, რის შედეგადაც მათ გამოთქვეს სურვილი და მზადყოფნა, დაეხმარონ აკადემიის კურსანტებს საცურაო პრაქტიკის გავლაში.
სამომავლო ერთობლივი პროექტების განხორციელებისა და გამოცდილების გაზიარების მიზნით, დაისახა სამომავლო ურთიერთობის პერსპექტივები ბათუმის სახელმწიფო საზღვაო აკადემიასა და "Eastern Pacific Shipping"- კომპანიას შორის.