ა.წ 25 იანვარს ბათუმის სახელმწიფო საზღვაო აკადემიაში ჩატარდა აუდიტი კონვენციის A-I/8 რეგულაციის მე-3 პუნქტის მოთხოვნების შესაბამისად, რომელიც ითვალისწინებს მეზღვაურთა წრთვნის, კომპეტენციის შეფასების და სერტიფიცირების სისტემის დამოუკიდებელ თვითშეფასებას. აუდიტი ჩაატარა მეზღვაურთა განათლების, წრთვნის და სერტიფიცირების კვალიფიკაციის და კომპეტენციის მქონე სპეციალისტმა, შორეული ნაოსნობის კაპიტანმა, ბათუმის ნავსადგურის ლოცმანი ბ-ნი მურთაზ დევაძემ.

აუდიტის ფარგლებში შემოწმდა ბათუმის სახელმწიფო საზღვაო აკადემიაში მოქმედი ხარისხის მართვის სისტემა, შიდა მარეგულირებელი ხარისხის მართვის, ფუნდამენტალური და ორგანიზაციული დოკუმენტაცია, საზღვაო-საინჟინრო ფაკულტეტზე მოქმედი კონვენციით რეგულირებადი უმაღლესი აკრედიტებული საგანმანათლებლო პროგრამები და სასწავლო, საწრვთნელ და სერტიფიცირების ცენტრში მოქმედი აღიარებული კონვენციით რეგულირებადი მოკლევადიანი სასწავლო-საწრთვნელი კურსები.

აუდიტს ესწრებოდნენ: აკადემიის ხარისხის უზრუნველყოფის სამსახური, ISO სტანდარტის უზრუნველყოფის სამსახური, ფაკულტეტის ხელმძღვანელობა, სასწავლო აკადემიური დეპარტამენტების და პროგრამის ხელმძღვანელი. შეხვედრაზე აგრეთვე განიხილეს მანილას ცვლილებების იმპლამენტაციის არსებული მექანიზმი, გამოვლენილი ხარვეზები და პროცესთან დაკავშირებული სირთულეები.