18 იანვარს ბათუმის სახელმწიფო საზღვაო აკადემიას შცეცინის საზღვაო აკადემიის (პოლონეთის) დელეგაცია ეწვია. 
შეხვედრა გაიმართა შცეცინის საზღვაო აკადემიის რექტორის მოადგილესთან პიოტრ ტრეიჩელთან და ამავე აკადემიის „ERASMUS+“-ის კოორდინატორ ევა ტარაბიჩკასთან. სამომავლო ერთობლივი პროექტების განხორციელებისა და გამოცდილების გაზიარების მიზნით, დაისახა სამომავლო ურთიერთობის პერსპექტივები ბათუმის სახელმწიფო საზღვაო აკადემიასა და შცეცინის საზღვაო აკადემიას შორის.
ხელი მოეწერა  ურთიერთთანამშრომლობის მემორანდუმს, რომელიც ითვალისწინებს „ERASMUS+“-ის ფარგლებში სტუდენტებისა და პროფესორ-მასწავლებლების გაცვლითი პროგრამების უზრუნველყოფას, სტუდენტების მობილობასა და ერთობლივი პროექტებისა და ღონისძიებების განხორციელებას.
დელეგაციის წევრებმა დაათვალიერეს აკადემიის მოქმედი ლაბორატორიები, საამქროები და მათი ტექნიკური აღჭურვილობა, აგრეთვე ვიზიტის ფარგლებში მოხდა განახლებული მეზღვაურთა სასწავლო, საწვრთნელი და სერტიფიცირების ცენტრის დათვალიერება.