2014 წლის 04 დეკემბერს ბათუმის სახელმწიფო საზღვაო აკადემიის სენატის №10/1 (25.11.2014 წ.) და ფაკულტეტის საბჭოს №18 (03.12.2014 წ.)  გადაწყვეტილებით გამოცხადდა საზღვაო საინჟინრო ფაკულტეტის დეკანის არჩევნები.

საზღვაო საინჟინრო ფაკულტეტის დეკანის თანამდებობაზე კანდიდატთა რეგისტრაცია იწარმოებს 2015 წლის 05 იანვრიდან 16 იანვრის  ჩათვლით, 10:00 საათიდან 18:00 საათამდე, აკადემიის კანცელარიაში (ყოველდღე, ოფიციალურად დადგენილი უქმე და დასვენების დღეების გარდა). 2015 წლის 20 - 23 იანვარს, 18:00 საათამდე მოხდება შემოსული განცხადებების განხილვა ფაკულტეტის საბჭოს მიერ და ფაკულტეტის საბჭოს წინაშე კანდიდატების მიერ ფაკულტეტის სტრატეგიული განვითარების გეგმის წარდგენა.   აგრეთვე აღნიშნულ პერიოდში კანდიდატებს შეეძლებათ საარჩევნო აგიტაციის წარმოება.

26 იანვარს, 10:00 საათიდან 17:00 საათამდე ჩატარდება საზღვაო საინჟინრო ფაკულტეტის დეკანის არჩევნები.

დეკანის თანამდებობაზე ასარჩევად კანდიდატი უნდა აკმაყოფილებდეს შემდეგ კრიტერიუმებს:

ა) უმაღლესი განათლება;

ბ) საზღვაო სფეროში ან/და ავტორიზებულ უმაღლეს საზღვაო საგანმანათლებლო დაწესებულებაში მუშაობის არანაკლებ 5 წლის გამოცდილება;

გ) ინგლისური ენის ფლობა;

დ) უნდა იცნობდნენ საერთაშორისო საზღვაო ორგანიზაციის კონვენციებს და საქართველოს კანონმდებლობას;

ე)  კანდიდატი არჩევის შემთხვევაში არ უნდა იყოს დასაქმებული სხვა სამსახურში.

   კანდიდატმა საარჩევნო კომისიაში რეგისტრაციისათვის უნდა წარადგინოს:

ა)  უმაღლესი განათლების დამადასტურებელი დოკუმენტის (დიპლომის) ასლი;

ბ)  პირადობის დამადასტურებელი მოწმობის ასლი;

გ)  ავტობიოგრაფია/CV;

დ)  ფაკულტეტის 4 წლიანი სტრატეგიული განვითარების გეგმა ქართულ და ინგლისურ ენაზე;

ე)  2 ც. ფერადი ფოტოსურათი, ზომით 3/4–ზე;

ვ)   ენის საერთაშორისო სასერთიფიკატო გამოცდების (მაგალითად: TOEFL (Test of English as a Foreign Language), IELTS (International English Language Testing System ან სხვა) ჩაბარების დამადასტურებელი სერტიფიკატი;

ან

ბათუმის სახელმწიფო საზღვაო აკადემიაში CES პროგრამით ჩაბარებული ზოგადის ინგლისურის გამოცდის დამადასტურებელი დოკუმენტი;

ზ) საზღვაო სფეროში ან/და ავტორიზებულ უმაღლეს საზღვაო საგანმანათლებლო დაწესებულებაში არანაკლებ 5 წლის განმავლობაში მუშაობის დამადასტურებელი დოკუმენტი (ცნობა სამსახურიდან).

დამატებითი ინფორმაციის მისაღებად მიმართეთ საარჩევნო კომისიას (აკადემიის კანცელარიაში).

საკონტაქტო ინფორმაცია:

e-mail: info@bsma.edu.ge

tel:   +995 (422) 274850

mob: +995 577221516 - საარჩევნო კომისიის მდივანი.