დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას საქამიანი ვიზიტით "ნოვიკონტას საზღვაო კოლეჯის" დირექტორის მოადგილე და IASST ორგანიზაციის დამფუძნებელი დიმიტრი სემიონოვი ეწვია.
აღნიშნულ შეხვედრაზე საზღვაო სასწავლებლებს შორის დაისახა სამომავლო ურთიერთთანამშრომლობის პერსპექტივები – ერთობლივი პროექტების განხორციელებისა და გამოცდილების გაზიარების მიზნით, რაც სამომავლოდ უზრუნველყოფს სტუდენტებისა და პროფესორ-მასწავლებლების გაცვლითი პროგრამების ეფექტურ განხორციელებას.
დიმიტრი სემიონოვი გაეცნო უნივერსიტეტის ძირითად და დამხმარე საგანმანათლებლო სტრუქტურებს, დაათვალიერა აკადემიაში მოქმედი ლაბორატორიები, მატერიალურ-ტექნიკურ ბაზა და სიმულატორები.