დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას ყაზახეთის ტრანსპორტის კომიტეტის წყლის ტრანსპორტის სამმართველოს წარმომადგენელი და ყაზახეთის ტრანსპორტის ინციდენტებისა და ავარიების საგამოძიებო დეპარტამენტის უფროსი ტურალიევ იერლანი ეწვივნენ.
სამომავლო ერთობლივი პროექტების განხორციელებისა და გამოცდილების გაზიარების მიზნით დაისახა სამომავლო ურთიერთობის პერსპექტივები, დაიგეგმა ერთობლივი პროგრამებისა და პროექტების შემუშავება და განხორციელება. ამის საფუძველზე იგეგმება ურთიერთთანამშრომლობის მემორანდუმის გაფორმება.
ყაზახეთის წარმომადგენლები გაეცნენ სტუდენტების ცხოვრებას, სასწავლებლების ძირითად და დამხმარე საგანმანათლებლო სტრუქტურებს, დაათვალიერეს მოქმედი ლაბორატორიები, ვორკშოპები, მატერიალურ-ტექნიკური ბაზა.