„ესტონეთის წარმატებული გამოცდილების გაზიარება საქართველოს პროფესიული განათლების განვითარების მხარდასაჭერად პროექტის“ ფარგლებში, დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას სტუმრად ტალინის საზღვაო სკოლის დირექტორი ტარმო სოოტი ეწვია.
ერთობლივი პროექტების განხორციელებისა და გამოცდილების გაზიარების მიზნით დაისახა სამომავლო ურთიერთთანამშრომლობის პერსპექტივები საზღვაო აკადემიის პროფესიული მომზადების ცენტრსა და ტალინის საზღვაო სკოლას შორის, რაც სამომავლოდ უზრუნველყოფს სტუდენტებისა და პროფესორ-მასწავლებლების გაცვლითი პროგრამების ეფექტურ განხორციელებას.
