ბათუმის სახელმწიფო საზღვაო აკადემიაში 16-17 ივლისს მიმდინარე მეორე რეგიონული სიმპოზიუმის უცხოელი (გერმანელი, სლოვაკი, ბულგარელი, რუმინელი პროფესორები) და ქართველი მონაწილეები სარფის საბაჟო პუნქტს ეწვივნენ.

საბაჟოს ხელმძღვანელობამ სიმპოზიუმის მონაწილეებს გააცნო პუნქტის მუშაობის ორგანიზაციული საკითხები, გატარებული რეფორმები და ის სიახლეები, რომელიც იგეგმება უახლოეს მომავალში.

შეხვედრას ასეწვე ესწრებოდნენ საბაჟოს ის თანამშრომლები, რომლებმაც განათლება ბათუმის სახელმწიფო საზღვაო აკადემიაში მიიღეს. საუბარი ასევე შეეხო საზღვაო აკადემიის ბიზნესისა და მართვის ფაკულტეტსა და საბაჟო პუნქტის შემდგომი თანამშრომლობის, სტუდენტთა პროფესიული პრაქტიკის ორგანიზაციისა და სხვადასხა ღონისძიებებში ერთობლივი მონაწილეობის საკითხებს.