დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიაში დაიწყო მეორე რეგიონული სიმპოზიუმი თემაზე "საკრუიზო ტურიზმი - მსოფლიო გამოცდილება და განვითარების პერსპექტივები შავი ზღვის რეგიონში".
ამ თემაზე საზღვაო აკადემიაშ ორი დღის განმავლობაში იმსჯელებენ.
კონფერენციის მონაწილეებს სიტყვით მიესალმა საზღვაო აკადემიის რექტორმა ირაკლი შარაბიძემ,საზღვაო ტრანსპორტის სააგენტოს დირექტორმა მამუკა ახალაძემ და აჭარის სოფლის მეურნეობის მინისტრმა ზაურ ფუტკარაძემ.
რიგით მეორე საერთაშორისო სიმპოზიუმს ევროკავშირის წევრი ქვეყნების პროფესორ-მასწავლებლები და დარგის სპეციალისტები ესწრებიან. აგრეთვე, აღნიშნულ სიმპოზიუმში მონაწილეობენ აჭარაში არსებული ტურისტული კომპანიები, ტურიზმის დეპარტამენტი და საქართველოში არსებული უნივერსიტეტების წარმომადგენლები.ა
დაგეგმილია მასტერკლასები საზღვაო აკადემიის სტუდენტებისთვის.