დღეს, საქართველოს ეკონომიკისა და მდგრადი განვითარების სამინისტროს სსიპ, ბათუმის სახელმწიფო საზღვაო აკადემიას ოფიციალური ვიზიტით ესტუმრა კორეის საზღვაო ინსტიტუტის, საზღვაო სამართლის განყოფილების უფროსი ბატონი იონგ-ან პარკი.
აღნიშნულ შეხვედრას საზღვაო აკადემიის იურიდიული განყოფილების უფროსი რუსუდან ყიფიანი, ხარისხის უზრუნველყოფის სამსახურის მთავარი სპეციალისტი თეონა ძნელაძე, რექტორის აპარატის ხელმძღვანელი მამუკა ბარამიძე და საზოგადოებასთან ურთიერთობის მენეჯერი მეგი ფარტენაძე ესწრებოდნენ.

სამომავლო ერთობლივი პროექტების განხორციელებისა და გამოცდილების გაზიარების მიზნით დაისახა სამომავლო ურთიერთობის პერსპექტივები ბათუმის სახელმწიფო საზღვაო აკადემიასა და კორეის საზღვაო ინსტიტუტს შორის.

დაიგეგმა ერთობლივი პროგრამებისა და პროექტების შემუშავება და განხორციელება, სტუდენტებისა და პროფესორ-მასწავლებლების გაცვლითი პროგრამების უზრუნველყოფა.

კორეის საზღვაო ინსტიტუტის წარმომადგენელი გაეცნო სტუდენტების ცხოვრებას, სასწავლებლების ძირითად და დამხმარე საგანმანათლებლო სტრუქტურებს, დაათვალიერა მოქმედი ლაბორატორიები, ვორკშოპები, მატერიალურ-ტექნიკური ბაზა.