მიმდინარე წლის 23 ოქტომბერს ბათუმის სახელმწიფო საზღვაო აკადემიის ბიზნესისა და მართვის ფაკულტეტის „მენეჯმენტი - საზღვაო გადაზიდვების ორგანიზაცია და ლოჯისტიკის“,  „მენეჯმენტი - ნავსადგურის მენეჯმენტის" სტუდენტები იმყოფებოდნენ ბათუმის საერთაშორისო საკონტეინერო ტერმინალში (BICT - Batumi International Container Terminal LLC), სადაც მათ ჩაუტარდათ ღია ლექცია თემაზე: „საერთაშორისო საკონტეინერო გადაზიდვების სამართლებრივი რეგულირება“ .

ბათუმის საკონტეინერო ტერმინალის ოპერაციების მთავარმა მენეჯერმა გიორგი წულაძემ, საზღვაო აკადემიის ასოცირებულმა პროფესორმა იაგო წულაძემ, „სატრანსპორტო სამართლის“ ლექტორმა ნინო ღოღობერიძემ სტუდენტებს გააცნეს საკონტეინერო ტერმინალის მუშაობის თავისებურებანი, საკონტეინერო გადაზიდვების სამართლებრივი რეგულირებისა და განბაჟების პროცედურები.

ღია ლექციის ჩატარებაში მონაწილეობას ღებულობდნენ ბიზნესისა და მართვის ფაკულტეტის დეკანი, პროფესორი რომან მამულაძე და საზღვაო აკადემიიის საზოგადოებასთან ურთიერთობის მენეჯერი მეგი ფარტენაძე.