2014  წლის 17 იანვარს ბათუმის სახელმწიფო საზღვაო აკადემიის ბიბლიოთეკის დარბაზში შედგა ახალი სასწავლო კურისის „დემოკრატია და მოქალაქეობა“ პრეზენტაცია.

ღონისძიებაში მონაწილეობას ღებულობდნენ საზღვაო აკადემიის ის პირველკურსელი სტუდენტები, რომლებიც მომავალ სასწავლო სემესტრში გაივლიან „დემოკრატია და მოქალაქეობა“ კურსს.

პრეზენტაციაზე რუსთაველის სახელმწიფო უნივერსიტეტის მენეჯმენტის ფაკულტეტის სტუდენტებმა: სოფო კეკელიძემ, მეგი ვერძაძემ, მირიან თაფლაძემ, ჯემალ ჟოჟაძემ და თეა დიდიძემ   წარმოადგინეს აღნიშნული კურსის ფარგლებში მათ მიერ შესრულებული პროექტები და სტუდენტებს გაუზიარეს გამოცდილება პროექტების შესრულებასთან დაკავშირებით.

სტუდენტებს სიტყვით მიმართა და სასწავლო კურისი მნიშვნელობაზე ესაუბრა ფაკულტეტის დეკანმა რომან მამულაძემ და კურსის წამყვანმა პროფესორებმა.

შეხვედრის ბოლოს გაიმართა დისკუსია სასწავლო კურსის მნიშვნელობის თაობაზე.