ამა წლის 23-29 ოქტომბრის ჩათვლით ბათუმის სახელმწიფო საზღვაო აკადემიის დელეგაცია აკადემიის რექტორის ბატონი ირაკლი შარაბიძის ხელმძღვანელობით იმყოფებოდა ბუქარესტსა და კონსტანცაში, რუმინეთი საერთაშორისო უნივერსიტეტების საზღვაო ასოციაციის (International Association of Maritime Universities - IAMU) რიგით მე-14 ყოველწლიურ გენერალურ ასამბლეაზე და საერთაშორისო აღმასრულებელი საბჭოს სხდომაზე. ბათუმის სახელმწიფო საზღვაო აკადემია წელს შედიოდა აღნიშნული ასოციცაციის საერთაშორისო აღმასრულებელი საბჭოს შემადგენლობაში, სადაც განიხილებოდა საზღვაო სასწავლებლების საერთაშორისო ასოციაციის ისეთი მნიშვნელოვანი საკითხები, როგორიცაა ფინანსური კომიტეტის, აკადემიური პროგრამის, სხვადასხვა კვლევითი პროექტების, IAMU-ს ახალი წევრების მიღების, მომავალი გენერალური ასამბლეის ჩატარებისა და სხვა მნიშვნელოვანი საკითხები.

აღნიშნულ ასამბლეაზე მოხსენებით წარსდგა აკადემიის, საზღვაო-საინჟინრო ფაკულტეტის მე-4 კურსის სტუდენტი ლაშა თავაძე.

IAMU-ს მომავალი გენერალური ასამბლეის ჩატარება გადაწყდა ტასმანიაში, ავსტრალია 2014 წლის 24-30 ოქტომბერს.