2013 წლის 14-18 ოქტომბერს სამხრეთ კორეის ქალაქ სეულში  საქართველო-კორეის ერთობლივი საგანმანათლებლო პროგრამის ფარგლებში გაიმართა ტრენინგი, რომლის თემა იყო: ნავსადგურები, ლოგისტიკა და უსაფრთხოება ზღვაზე. ტრენინგს მასპინძლობდა კორეის საზღვაო ინსტიტუტი. საქართველოდან ტრენინგში მონაწილეობისთვის მიწვეული იყო დელეგაცია, რომლის შემადგენლობაში იყვნენ ეკონომიკისა და მდგრადი განვითარების სამინისტროსა და საზღვაო ტრანსპორტის სააგენტოს წარმომადგენლები და საზღვაო აკადემიის ხარისხის უზრუნველყოფის სამსახურის მთავარი სპეციალისტი თეონა ძნელაძე.