ბათუმის სახელმწიფო საზღვაო აკადემიამ მონაწილეობა მიიღო  განათლების მე-3 საერთაშორისო გამოფენაში, რომელიც 15-16 თებერვალს გამოფენების ცენტრ "ექსპო-ჯორჯიას" მე-11 პავილიონში გაიმართა. გამოფენის ფარგლებში აკადემიის პროფესორ-მასწავლებლებისა და კურსანტების მიერ წარმოდგენილი იქნა საზღვაო სასწავლო სიმულატორები, ტექნიკური აღჭურვილობა. დაინტერესებულ პირებს საშუალება მიეცათ მიიღოთ საინფორმაციო ბროშურები და ბუკლეტები, გაცნობოდნენ აკადემიის ისტორიას და აღნიშნული სასწავლებლის სამომავლო გეგმებს.

ორი დღის განმავლობაში გაიმართა უნივერსიტეტების პრეზენტაციები და ღია კარის დღეები, სადაც დამთვალიერებელს საშუალება მიეცათ სასურველი ინფორმაცია პირდაპირ საგანმანათლებლო დაწესებულებების წარმომადგენლებისგან მიეღოთ და მიმდინარე პროგრამებსა და სწავლის პირობებს გაცნობოდნენ.