2012 წლის 20-21 სექტემბერს უკრაინის ქალაქ ოდესაში გაიმართა  „საზღვაო სასწავლებლების შავი ზღვის ასოციაციის“ მე-3 გენერალური ასამბლეა, რომელზეც იმყოფებოდა ბათუმის სახელმწიფო საზღვაო აკადემიის დელეგაცია. გენერალურ ასამბლეას ასევე ესწრებოდნენ: თურქეთის, რუსეთის, ბულგარეთის, რუმინეთისა და უკრაინის დელაგაციები. შეხვედრაზე განხილული იქნა  „ საზღვაო ინსტიტუტების შავი ზღვის ასოციაციის“ (BSAMI)  ახალი სტრატეგია, კონკრეტული სამომავლო მიზნები და სპეციფიკური სამოქმედო გეგმები, მუდმივმოქმედი კომიტეტების სტრატეგიული გეგმები, „საზღვაო სასწავლებლების შავი ზღვის ასოციაციის“ მართვის სისტემის ხედვა-განვითარება.

სამომავლოდ გენერალური ასამბლეა ჩატარდება რუსეთში, ქალაქ ნოვოროსისკში 2013 წლის 25-27 ივნისს.  2014 წლისათვის ამ ღონისძიების ჩატარება იგეგმება საქართელოში, ქალაქ ბათუმში. ვიმედოვნებთ, რომ BSAMI-ს გენერალური ასამბლეის შეხვედრები ჩატარდება სისტემატიურად საქართველოში, რაც ხელს შეუწყობს საქართველოს საზღვაო სფეროს განვითარებას.