17 სექტემბერს, ბათუმის საზღვაო აკადემიაში, სასწავლო წლის დაწყებასთან დაკავშრებით, გაიმართა საზეიმო ცერემონიალი. სტუდენტებს და ლექტორ მასწავლებლებს სასწავლო  წლის დაწყება მიულოცეს: აკადემიის რექტორმა, ბატონმა ირაკლი შარაბიძემ, აჭარის განათლების, კულტურისა და სპორტის მინისტრის მოადგილემ, ქალბატონმა აიდა აბუსერიძემ, შორეული ნაოსნობის კაპიტნებმა: ფოთის პორტის კაპიტანმა თეიმურაზ დოლიძემ და ბათუმის პორტის კაპიტანმა თენგიზ გადილიამ. ასევე სტუდენტებს სწავლის დაწყება მიულოცეს: საზღვაო საინჟინრო ფაკულტეტის დეკანმა, ბატონმა ტარიელ ქოქოლაძემ და ბიზნესისა და მართვის ფაკულტეტის დეკანმა ბატონმა ჯუმბერ ვარდმანიძემ. დამსწრე საზოგადოება დალოცა და ლოცვა აღავლინა  სულიერმა მოძღვარმა მამა სერგიმ.