24 იანვარს  საზღვაო-საინჟინრო ფაკულტეტის ინიციატივით  ბათუმის სახელმწიფო საზღვაო აკადემიის ახალ ბიბლიოთეკაში სტუდენტთათვის ჩატარდა  შეხვედრა – უსაფრთხო ნაოსნობის ციკლის პირველი სემინარი. სემინარზე განხილული იქნა საკრუიზო გემის „COSTA CONCORDIA“-სა და სხვა გემების კატასტროფების გამომწვევი მიზეზები და დეტალები. მოხსენებით გამოვიდნენ საზღვაო-საინჟინრო ფაკულტეტის დეკანის მოვალეობის შემსრულებელი ბატონი ტარიელ ქოქოლაძე და საზღვაო-საინჟინრო ფაკულტეტის საზღვაო ნავიგაციის მიმართულების ხელმძღვანელი, პროფესორი ბატონი შოთა კუნჭულია. შეხვედრას ესწრებოდა, საზღვაო აკადემიის რექტორი ბატონი ნიკოლოზ წიკლაური და მოწვეული სტუმრები, მათ შორის საზღვაო ტრანსპორტის სააგენტოს განათლების სისტემაზე კონტროლის სამმართველოს უფროსი ბატონი ლევან იმნაიშვილი.