ბათუმის სახელმწიფო საზღვაო აკადემიის უცხო ენათა დეპარტამენტის პროფესორ-მასწავლებლები საერთაშორისო ონლაინ ტრენინგს “The Use of Drama in ELT“ დაესწრენ და შესაბამისი აღიარების სერთიფიკატები მოიპოვეს.

 ტრენინგი პროფესიული განვითარების ორგანიზაციის “SR Teaching and Learning“-ის მიერ ონლაინ რეჟიმში ჩატარდა და მას TESOL ის და CeltaDelta კურსების საერთაშორისო ტრენერი პოლ ჰარვეი (Paul Harvey, Tesol Trainer, CeltaDelta Tutor ) უძღვებოდა.

 ტრენინგი ინგლისური ენის სწავლების პროცესში ავთენტური მასალის სახით ინტერაქტიული აქტივობების გამოყენების მეთოდების განხილვას და სწავლების პროცესში მათი ადაპტირების გზების წარმოჩენას ისახავდა მიზნად.

 აკადემიის უცხო ენათა დეპარტამენტის ხელმძღვანელმა, ასოცირებულმა პროფესორმა მედეა აბაშიძემ ტრენინგს მაღალი შეფასება მისცა: “ვფიქრობ, რომ მიღებული ცოდნა ჩვენი დეპარტამენტის თითოელი პროფესორ- მასწავლებლისთვის მოტივაციის ახალი წყარო გახდება, როგორც პროფესიული განვითარების, ასევე სწავლების მიმართულებით“.

 “ტრენინგმა ბევრი ახალი იდეა  მოგვცა და დაგვანახა სწავლების პროცესში სხვადასხვა აქტივობების   გამოყენების აუცილებლობა.  უცხო ენის სწავლებისას დრამატურგიული უნარების ინტეგრირებით,შეგვიძლია მსმენელებისთვის პროცესი უფრო მრავალფეროვანი და სახალისო გავხადოთ,” -განაცხადა უცხო ენების  დეპარტამენტის ასოცირებულმა პროფესორმა და ფილოლოგიის დოქტორმა, თამარ დოლიძემ.