️ბათუმის სახელმწიფო საზღვაო აკადემიამ საქართველოში აშშ-ის  თავდაცვის ატაშეს, პოლკოვნიკ სტეფანი ბეგლის (US Defense Attaché Col Stephanie Bagley) უმასპინძლა.

 პოლკოვნიკი სტეფანი ბეგლი სასწავლებლის ინფრასტრუქტურას გაეცნო და აკადემიის რექტორთან ირაკლი შარაბიძესთან ერთად მეზღვაურთა სასწავლო და საწვრთნელი ცენტრი, განახლებული სამანქანე განყოფილება და საწვრთნელი აუზის მშენებლობის პროცესი დაათვალიერა.

ვიზიტის ფარგლებში მხარეებმა საზღვაო განათლების განვითარებისა და მხარდაჭერის აუცილებლობაზე და ამერიკის საელჩოსა და საზღვაო აკადემიას შორის ურთიერთთანამშრომლობის გაღრმავების პერსპექტივებზე ისაუბრეს.