2020 წლის 11 ივნისს საქართველოს ჯანდაცვის სამინისტროს წარმომადგენელმა ამავე სამინისტროს სტანდარტების მიხედვით  შეამოწმა  საზღვაო აკადემიის ლაბორატორიული, სიმულატორული და პრაქტიკული მეცადინეობების ჩასატარებლად მომზადებული  სასწავლო სივრცეები (ლაბორატორიები, სიმულატორები, აუდიტორიები). რის შედეგადაც, საზღვაო აკადემიამ მიიღო შესაბამისი ნებართვა მეცადინეობების აკადემიის ტერიტორიაზე ინტენსიურ რეჟიმში ჩატარების შესახებ.

საზღვაო ნავიგაციისა  და საინჟინრო ფაკულტეტეტის  წარმომადგენლებმა  მოამზადეს და სტუდენტებს მიაწოდეს ლაბორატორიული და სიმულატორული მეცადინეობების ჩატარების განრიგი.მეცადინეობები დაიწყება 15 ივნისს, დამტკიცებული განრიგის მიხედვით.

მეცადინეობების ორგანიზებულად ჩატარების მიზნით, სტუდენტთა შემოსვლას აკადემიის ტერიტორიაზე, წინასწარ შედგენილი სახელობითი ცხრილების საფუძველზე გაკონტროლებს აკადემიის დაცვისა და უსაფრთხოების სამსახური.

 აღნიშნული მოთხოვნა ასევე ეხება იმ მეცადინეობებს და კონსულტაციებს, რომლებსაც სტუდენტების მოთხოვნით პედაგოგები დაგეგმავენ აკადემიის აუდიტორიებში.