გაცნობებთ, რომ 2019-2020 წლის II სემესტრის დასკვნითი გამოცდები ჩატარდება დისტანციური, ელექტრონული ფორმით, რომლის ორგანიზებას და ჩატარებას უზრუნველყოფს სტუდენტურ საქმეთა და შეფასების დეპარტამენტი.

საზღვაო აკადემია გთავაზობთ, თავად აირჩიოთ დასკვნითი გამოცდების ჩაბარების ფორმა. იმ შემთხვევაში, თუ აირჩევთ დისტანციურ ფორმას, თქვენ უზრუნველყოფილი უნდა იყოთ გამოცდის ჩაბარებისათვის აუცილებელი ტექნიკური საშუალებებით (ტექნიკური საკომუნიკაციო საშუალება, უწყვეტი ინტერნეტი). ამ არჩევანის შემთხვევაში, გამოცდის გაცდენის გამო, გაცდენის მიზეზი საპატიოდ არ ჩაითვლება.

იმ შემთხვევაში, თუ თქვენ აირჩევთ საზღვაო აკადემიაში ჩაბარების ფორმას, საზღვაო აკადემია სტუდენტს უზრუნველყოფს გამოცდის ჩაბარებისათვის აუცილებელი ყველა პირობით. სტუდენტი ვალდებულია, აკადემიაში გამოცხადდეს აკადემიის შინაგანაწესის მოთხოვნების დაცვით. ფორმატის არჩევასთან დაკავშირებული რეგისტრაცია დაიწყება 2020 წლის 9 ივნისს და დასრულდება 2020 წლის 19 ივნისს. თუ თქვენ არ გაივლით რეგისტრაციას, პროგრამა ავტომატურად დაგინიშნავთ გამოცდებს დისტანციურ ფორმატში.

მიმდინარე დასკვნით გამოცდებზე, ფორმატის მიუხედავად, მოქმედებს „გამოცდების ჩატარებისა და შეფასების“ პროცედურით გათვალისწინებული საპატიო მიზეზების ჩამონათვალი.

დეტალურად დასკვნითი გამოცდების ჩატარების წესი შეგიძლიათ იხილოთ სტუდენტთა შეფასების და აღრიცხვის სისტემაში.

დასკვნითი გამოცდების განრიგი გამოქვეყნდება 2020 წლის 22 ივნისს, ხოლო გამოცდები დაიწყება 27 ივნისს.

დასკვნით გამოცდებთან დაკავშირებით სტუდენტებთან ონლაინ შეხვედრა გაიმართება 2020 წლის 11 ივნისს 15.00 საათზე. შეხვედრის ბმული გამოქვეყნდება აკადემიისა და სტუდენტურ საქმეთა და შეფასების დეპარტამენტის სოციალური ქსელის გვერდზე.

გისურვებთ წარმატებას!