დღეს, 16 აპრილს, ბათუმის სახელმწიფო საზღვაო აკადემიის მიერ ინიცირებული ღია ლექციების კვირეულის ფარგლებში,ბიზნესისა და მართვის ფაკულტეტის სტუდენტებისთვის მოწვეულმა სპიკერმა, ეკონომიკისა და ტრანსპორტის ექსპერტმა, მირზა დოლიძემ ჩაატარა ღია ლექცია თემაზე-„გლობალური ტენდენციები საზღვაო გადაზიდვებში-კონტეინერიზაციის განვითარება“.

ლექციის დასაწყისში, სპიკერმა ისაუბრა საზღვაო ლოჯისტიკის არსზე და განიხილა კონტეინერიზაციის განვითარება,როგორც მცირე და საშუალო ბიზნესში მომხდარი ეკონომიკური რევოლუციის განმაპირობებელი ფაქტორი.

სპიკერმა ისაუბრა კონტეინერზე, როგორც სატრანსპორტო, საწარმოო და სადისტრიბუციო ერთეულზე.

ასევე განიხილა მსოფლიოს წამყვანი პორტების კომერციული წარმატების განმაპირობებელი ძირითადი ინდიკატორები.

სპიკერმა ლექციის მეორე ნაწილში ისაუბრა საშუალო (Cკლასის) საზღვაო გემების ოპერირებაში გამოყენების ზრდის პერსპექტივებზე და საერთაშორისო მაგალითებზე დაყრდნობით, ხაზი გაუსვა  საკონტეინერო პორტების ზრდისა და წინსვლის ტენდენციებს.

ლექციის ბოლო ნაწილი წარიმართა კითხვა-პასუხის ფორმატში.

ლექციას ონლაინ რეჟიმში დაესწრო 110  მსმენელი.