23 სექტემბერს, 11:00 საათზე, სასტუმრო “SHERATON BATUMI”-ში აჭარის განათლების, კულტურისა და სპორტის მინისტრმა ქალბატონმა მაია ხაჯიშვილმა, ამავე სამინისტროს მინისტრის მოადგილე ალეკო დავითაძემ, საზღვაო ტრანსპორტის სააგენტოს დირექტორის მოადგილე ივანე აბაშიძემ, IMLA-ს თავმჯდომარე იონგსინგ ჯინმა და ბათუმის სახელმწიფო საზღვაო აკადემიის წარმომადგენლობამ, საზღვაო აკადემიის ორგანიზებით გამართულ საერთაშორისო საზღვაო უნივერსიტეტების ლექტორთა ასოციაციის რიგით 26-ე კონფერენცია ოფიციალურად გახსნეს. შეგახსენებთ, რომ საერთაშორისო საზღვაო ლექტორების ასოციაცია - IMLA - აერთიანებს საზღვაო ლექტორებს მსოფლიო მასშტაბით. ქართველი ლექტორების ჩართულობა ასოციაციაში ქვეყნის მასშტაბის მნიშვნელობის საკითხია. მონაწილეები შეძლებენ ერთმანეთს გაუზიარონ საზღვაო სფეროში არსებული მიღწევები, პროფესიული გამოცდილება, გამოწვევები, და დასახონ სამომავლო ურთიერთთანამშრომლობის პერსპექტივები.