მიმდინარე წლის 5 აგვისტოს ქ.თბილისში გაიმართა საინფორმაციო შეხვედრა „დუალური პროფესიული საგანმანათლებლო პროგრამების და მომზადება-გადამზადების მოკლევადიანი კურსების დანერგვა ტრანსპორტისა და ლოგისტიკის მიმართულებით“ პროექტის დანერგვის მიზნით. პროექტი ხორციელდება PEM Consult-ის მიერ გერმანიის საერთაშორისო თანამშრომლობის საზოგადოების (GIZ) დაფინანსებით.

 შეხვედრას ესწრებოდნენ ბათუმის სახელმწიფო საზღვაო აკადემიის პროფესიული ცენტრის უფროსი გოჩა გოგიტიძე და ლოგისტიკის პროფესიული პროგრამების ხელმძღვანელი კარინა მელიქჯანიანი. პროექტის ძირითადი მიზანია ხელი შეუწყოს ადამიანური რესურსების განვითარებას ტრანსპორტისა და ლოგისტიკის სფეროში; მოამზადოს 4 პროფესიული დუალური საკვალიფიკაციო პროგრამა ზემოთაღნიშნულ სფეროში; მინიმუმ 5 მოკლევადიანი მომზადება-გადამზადების პროგრამა; უზრუნველყოს მასწავლებლების/ ინსტრუქტორების ტრენინგი; განვითაროს ხარისხის უზრუნველყოფის მექანიზმები დუალური პროფესიული განათლებისათვის.