საზღვაო საინჟინრო ფაკულტეტის სპეციალობის „ნავსადგურებისა და ტერმინალების გადამტვირთავი აღჭურვილობის ექსპლუატაცია“ III კურსის სტუდენტი ჯემალ ნაკაშიძე და II კურსის სტუდენტი ანა ოთიაშვილი დარეგისტრირებული იყვნენ საქართველოს ტექნიკური უნივერსიტეტში ა.წ. 3 ივნისს დაგეგმილ სტუდენტთა 87-ე საერთაშორისო სამეცნიერო კონფერენციაში მონაწილეობაზე თემით: „პორტების ტვირთამწე მექანიზმების ელექტრომომარაგების ეფექტურობის ამაღლება ჰიბრიდული ენერგოსისტემების გამოყენებით“, ხელმძღვანელი ასოც. პროფესორი მაია ტუღუში.
სტუ-ს ენერგეტიკისა და ტელეკომუნიკაციის ფაკულტეტის დეკანის პროფესორ გია არაბიძის წერილის თანახმად ჯ. ნაკაშიძე და ა. ოთიაშვილი მიწვეული იყვნენ კონფერენციაზე მოხსენების გასაკეთებლად სექციაში „ელექტრომოხმარების ტექნოლოგიები“ 2019 წლის 12 ივნისს 11 საათზე.
კონფერენციის დასრულების შემდეგ გამოვლენილი იყო საუკეთესო მომხსენებლები და მათ შორის გამოვლენილი იყო სექციის „ელეტრომოხმარების ტექნოლოგიების“ გამარჯვებულები - I ადგილით და შესაბამისი სერთიფიკატით დაჯილდოვნენ ჯემალ ნაკაშიძე და ანა ოთიაშვილი.
ვულოცავთ სტუდენტებს ამ გამარჯვებას და ვუსურვებთ შემდგომ წარმატებებს.
