მიმდინარე წლის 4 ივნისს, ბათუმის სახელმწიფო საზღვაო აკადემიის ბიბლიოთეკაში, საერთაშორისო სატრანსორტო და საექსპედიტორო კომპანია MGL GEOAGIA-ს დირექტორმა ლალი ოყუჯავამ გამართა საჯარო ლექცია თემაზე: “საექსპედიტორო საქმიანობის მნიშვნელობა და როლი ლოგისტიკურ ჯაჭვში“.

ლექციას ესწრებოდნენ ბიზნესისა და მართვის ფაკულტეტის „ბიზნესის ადმინისტრირების“ საგანმანათლებლო პროგრამის II III კურსის სტუდენტები.

ლექციის მიზანს წარმოადგენდა საგანმანათლებლო პროგრამის ცალკეულ სასწავლო კურსებში სწავლების პრაქტიკული კომპონენტის გაძლიერება. ლექცია აგებული იყო პრაქტიკულ მაგალითებზე ინტერაქტიური მეთოდის ეფექტური გამოყენებით. 
პრაქტიკულმა მეცადინეობამ სტუდენტებში დიდი დაინტერესება გამოიწვია. რამდენიმე სტუდენტი კომპანიის დირექტორის მიერ მიწვეულ იქნა კომპანიაში სტაჟირების გავლის მიზნით, დასაქმების შემდგომი პერსპექტივით.