ვროცლავის უნივერსიტეტსა და ბათუმის სახელმწიფო საზღვაო აკადემიას შორის არსებული პარტნიორული ურთიერთობის ფარგლებში, მიმდინარე წლის 7-11 მაისს, ბათუმის სახელმწიფო საზღვაო აკადემიის უცხო ენათა დეპარტამენტის ასოცირებული პროფესორი ფილოლოგიის დოქტორი თამარ დოლიძე სამუშაო ვიზიტით იმყოფებოდა ვროცლავის უნივერსიტეტის უცხო ენათა ინსტიტუტში.

ვიზიტის ფარგლებში თამარ დოლიძემ ჩაატარა მეთოდოლოგიური ვორქშოპი: “How to effectively incorporate authentic materials in the process of teaching English for Specific Purposes (ESP)” და ასევე წაიკითხა საჯარო ლექცია თემაზე: “Teaching English at the University Level in Georgia”. გაიმართა ასევე შეხვედრები ვროცლავის უნივერსიტეტის უცხო ენათა ინსტიტუტის დეკანის მოადგილესთან, ლინგვისტური კვლევის ლაბორატორიის, უცხო ენების დეპარტმანეტის კათედრის ხელმძღვანელთან და ერასმუსის ოფისის წარმომადგენლებთან სამომავლო თანამშრომლობის სამოქმედო გეგმაზე მუშაობის მიზნით.