როგორც ცნობილია, ბათუმის სახელმწიფო საზღვაო აკადემია 2020 წელს საერთაშორისო საზღვაო სასწავლებლების ასოციაციის რიგით 21-ე გენერალურ ასამბლეას (IAMU) უმასპინძლებს.
სწორედ ამ საკითხთან დაკავშირებით, მიმდინარე წლის 22-24 აპრილს, საქართველოს ეკონომიკისა და მდგრადი განვითარების სამინისტროს ბათუმის სახელმწიფო საზღვაო აკადემიის პროექტებისა და განათლების ინტერნაციონალიზაციის მენეჯერი თეონა ძნელაძე სამუშაო ვიზიტით ტოკიოში იმყოფებოდა.
შეხვედრის მიზანი 2020 წლის IAMU-ს კონფერენციის ჩატარების გეგმის წარდგენა გახლდათ. 
საზღვაო უნივერსიტეტების საერთაშორისო ასოციაციის გენერალური ასამბლეა 1999 წელს შვიდმა საზღვაო უნივერსიტეტმა დაარსა და მას შემდეგ ყოველწლიურად იმართება.