საზღვაო ტრანსპორტის სააგენტოსა და ბათუმის სახელმწიფო საზღვაო აკადემია / Batumi State Maritime Academy-ის ორგანიზებით სტუდენტებისათვის, 21 მარტს აჭარის ავტონომიური რესპუბლიკის პროკურორმა ნათია სონღულაშვილმა საჯარო ლექცია გამართა თემაზე - ოჯახში ძალადობის აღმოფხვრის მექანიზმები.
ლექციაზე განხილულმა თემებმა დიდი ინტერესი გამოიწვია სტუდენტებს შორის და ბევრ აქტუალურ კითხვას გაეცა პასუხი.
განსაკუთრებული ყურადღება დაეთმო ქალთა მიმართ ძალადობას და საზოგადოების როლს ამ დანაშაულებების პრევენციის კუთხით.
საზღვაო ტრანსპორტის სააგენტო გეგმავს საჯარო ლექციების ციკლის გაგრძელებას სტუდენტების ცნობიერების ამაღლებისა და ჩართულობის გაძლიერების მიზნით.
ნათია სონღულაშვილი 2002 წლიდან დღემდე სასამართლო სისტემასა და საქართველოს პროკურატურის ორგანოებში სხვადასხვა თანამდებობაზე მუშაობდა, ხოლო 2018 წლის 23 თებერვლიდან აჭარის ავტონომიური რესპუბლიკის პროკურორის თანამდებობას იკავებს.
