მიმდინარე წლის 12 თებერვალს ბათუმის სახელმწიფო საზღვაო აკადემიაში გაიმართა

„მრგვალი მაგიდა - დისკუსია“ თემაზე -

  „სამეცნიერო პროექტები, საგანმანათლებლო პროგრამები -

არსებული მდგომარეობა და პერსპექტივები“

დისკუსიას ესწრებოდნენ საზღვაო აკადემიის ადმინისტრაციული და აკადემიური პერსონალი, ასევე, საზღვაო აკადემიის პარტნიორი უნივერსიტეტის - აკაკი წერეთლის სახელმწიფო უნივერსიტეტის პროფესორი თეიმურაზ კოჩაძე.

დისკუსიის ფარგლებში განხილულ იქნა  საკითხები:

• სსიპ - შოთა რუსთაველის ეროვნული სამეცნიერო ფონდის საგრანტო პროექტის „სატრანსპორტო პროცესების ორგანიზაცია და მართვა“ მიმდინარეობის შესახებ;
• ერთობლივი სადოქტორო საგანმანათლებლო პროგრამის „სატრანსპორტო პროცესების ორგანიზაცია და მართვა“ შემუშავებისა და აკრედიტაციისათვის მზადებასთან დაკავშირებული საკითხები;
• ერთობლივი სამაგისტრო საგანმანათლებლო პროგრამის „საერთაშორისო ბიზნესის მენეჯმენტი და ლოჯისტიკის“ შემუშავებისა  და  აკრედიტაციისათვის მზადებასთან დაკავშირებული საკითხები;
• საზღვაო აკადემიისა და აკაკი წერეთლის სახელმწიფო უნივერსიტეტების პროფესორების ჩართულობით სამეცნიერო პროექტების შემუშავებისა და განხორციელების საკითხები.