ფორუმის ძირითადი მიზანი იყო: კვალიფიცირებული, თანამედროვე სტანდარტების შესატყვისი, დასაქმების ბაზარზე ორიენტირებული, კონკურენტუნარიანი კადრების მომზადებისა და უკვე არსებული კადრების გადამზადების პროცესში მარეგულირებელთა, დამსაქმებელთა და სოციალურ პარტნიორთა მონაწილეობის გაფართოება,

ასევე მნიშვნელოვანია რომ დღესვე აჭარის ა.რ. მთავრობის თავმჯდომარემ საზღვაო აკადემიის პროფესორს, რექტორს (1996-2005 წლებში) ოთარ დიოგიძეს მიანიჭა ემერიტუსის წოდება საქართველოს საზღვაო განათლების სისტემის განვითარებაში შეტანილი მნიშვნელოვანი ღვაწლისთვის. 
ღონისძიება ორ ნაწილად გაიყო: პირველ ნაწილში ორგანიზაციები მათ შორის საზღვაო აკადემია წარმოადგენდა პრეზენტაციას უახლესი მიზნებისა და მიღწევების შესახებ. შემდეგ კი გაიმართა დისკუსია დამსაქმებლებთან შრომის ბაზრის გამოწვევებისა და მოთხოვნების შესახებ. აქვე, სხვადასხვა კომპანიის წარმოამდგენლებს შესაძლებლობა ჰქონდათ B2B შეხვედრების.

მეორე ნაწილი კი დაეთმო გამოფენას, სადაც ორგანიზაციები პირისპირ შეხვდებიან სტუდენტებს და ადგილზე ჩაატარეს გასაუბრებები. საზღვაო აკადემიის სტუდენტებს მიეცათ საშუალება შეხვდროდნენ უშუალოდ დამსაქმებელს და მათთვის სასურველ პოზიციაზე გაეკეთებინათ განაცხადი. 
 საზღვაო აკადემიის ადმინისტრაცია კარგად აცნობიერებს, რომ საზღვაო სფეროში კვალიფიცირებული კადრების მომზადების საქმეში წარმატების მისაღწევად აუცილებელია თანამშრომლობა საზღვაო სფეროში მოქმედ მარეგულირებლებთან, სოციალურ პარტნიორებთან და დამსაქმებლებთან. 
საზღვაო აკადემიის რექტორატი მადლობას უხდის თითოეულ სტუმარს, კერძო და საჯარო სექტორის წარმომადგენლებს აღნიშნულ ფორუმში მონაწილეობისთვის.