საქართველოს ეკონომიკისა და მდგრადი განვითარების სამინისტროს ბათუმის სახელმწიფო საზღვაო აკადემიის დელეგაცია სამუშაო ვიზიტით ფლენსბურგის უნივერსიტეტში იმყოფებოდა.
აღნიშნული სამუშაო ვიზიტის მიზანია პარტნიორი უნივერსიტეტის გამოცდილების გაზიარება საგანმანათლებლო სფეროში. სამომავლო ურთიერთთანამშრომლობის პერსპექტივების დასახვის მიზნით საზღვაო აკადემიის წარმომადგენლობა ფლენსბურგის პრეზიდენტს შეხვდა.

ვიზიტის ფარგლებში დელეგაციის წევრებს საშუალება ჰქონდათ გერმანელი კოლეგების ლექციებსა და პრაქტიკულ სამუშაოებს დასწრებოდნენ ნავიგაციისა და მექანიკის მიმართულებით, ასევე მხარეებმა ერთმანეთს გაუზიარეს გამოცდილება ხარისხისა და საერთაშორისო ურთიერთობების საკითხებში.