დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას ფოთის APM Terminals-ის ადამიანური რესურსების მართვის სამსახურის უფროსი ლელა კვანტალიანი, ტრენინგების მენეჯერი ნინო გოგუაძე, ასევე ათასწლეულის გამოწვევის ფონდი საქართველოს, უმაღლესი და პროფესიული განათლების პროექტების დირექტორი ნოდარ სურგულაძე და ათასწლეულის გამოწვევის ფონდი საქართველოს გენდერული და სოციალური საკითხების დირექტორი ქეთევან მამინაშვილი ეწვივნენ. გაცნობითი ხასიათის ვიზიტი მიზნად ისახავს პროფესიულ საგანმანათლებლო პროგრამებში ქალთა მოზიდვის ტექნიკების განხილვას, სამომავლო ურთიერთთანამშრომლობის პერსპექტივების გაზრდას საზღვაო აკადემიასა და ფოთის APM Terminals შორის. რაც გულისხმობს, პირველ ეტაპზე მხარეთა შორის მემორანდუმის გაფორმებას, პროფესიული სტუდენტების ფოთის ტერმინლში პრაქტიკით უზრუნველყოფასა და სამომავლოდ მათი დასაქმების პერსპექტივას.
