ბათუმის სახელმწიფო საზღვაო აკადემიის ბიზნესისა და მართვის ფაკულტეტის საგანმანათლებლო პროგრამებში სწავლების პრაქტიკული კომპონენტის გაძლიერების მიზნით აქტიურად ინერგება პრაქტიკული და სემინარული მეცადინეობების ჩატარება საწარმოო-დაწესებულებებში.

2018 წლის 7 დეკემბერს „ტურიზმი - საკრუიზო ტურიზმის მენეჯმენტის“ საგნმანათლებლო პროგრამის მე-4 კურსის სტუდენტებს სასწავლო კურსის „სასტუმროს ოპერირება და მენეჯმენტი“ ხელმძღვანელმა, ეკონომიკის აკადემიურმა დოქტორმა თემურ ზოიძემ პრაქტიკული მეცადინეობა ჩაუტარა ბრენდულ სასტუმრო ,,ბესთ უესტერნ პრემიერ"-ში.

მეცადინეობის ფარგლებში ლექტორმა სტუდენტებს გააცნო სასტუმრო საქმიანობის ორგანიზაციის უმნიშვნელოვანესი ასპექტები, ესაუბრა ბრენდული სასტუმროების სტანდატრტებზე და დიზაინზე. სტუდენტები ასევე  გაეცნენ სატუმროს სხვადასხვა დეპარტამენტრების პრაქტიკულ საქმიანობას.

პრაქტიკულმა მეცადინეობამ სტუდენტების დიდი ინტერესი გამოიწვია და დაიგეგმა, რომ სხვადასხვა პროექტებზე მუშაობისას სტუდენტები კვლავ დაუბრუნდებიან აღნიშნულ სასტუმროს. სტუდენტთა ნაწილმა სურვილი გამოთქვა სასტუმროში საქმინობის დაწყებაზე, რასაც სასტუმროს ადმინსტრაცია კმაყოფილებით დათანხმდება.

დაიგეგმა, რომ  სასტუმრო ,,ბესთ უესტერნ პრემიერი" და ბათუმის სახელმწიფო საზღვაო აკადემიის ბიზნესისა და მართვის ფაკულტეტი შემდგომშიც ითანამშრომლებენ  სასწავლო და კვლევების მიმართულებით.