დღეს, ბათუმის სახელმწიფო საზღვაო აკადემიაში პროფესიული განათლების კვირეულის ფარგლებში გაიმართა ღია კარის დღე. ათასწლეულის გამოწვევის ფონდისა და ათასწლეულის გამოწვევის კორპორაციის წარმომადგენლობა, საქართველოს ეკონომიკისა და მდგრადი განვითარების მინისტრის მოადგილესთან აკაკი საღირაშვილთან ერთად პროექტის ფარგლებში განხორციელებულ ინფრასტრუქტურულ სამუშაოებს, ლაბორატორიებსა და სასწავლო პროგრამებს გაეცნო. პარალელურად, მოწვეულ სკოლის მოსწავლეებს, პროფესიული განათლების კვირეულის ფარგლებში შესაძლებლობა ჰქონდათ დაეთვალიერებინათ აკადემიის პროფესიული მომზადების ცენტრის მატერიალურ-ტექნიკური ბაზა. მოსწავლეებს შეხვედრის დასრულების შემდეგ სიმბოლური საჩუქრები გადაეცათ.