▶ დღეს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიას ლატვიის შეიარაღებული ძალების თავდაცვის უფროსი, გენერალ-ლეიტენანტი ლეონიდს კალნინსი, ლატვიის სამხედრო ატაშეებთან და საქართველოს შეიარაღებული ძალების ხელმძღვანელ პირებთან ერთად ეწვივნენ.
▶ გაცნობითი ხასიათის შეხვედრაზე, სტუმრებმა დაათვალიერეს მეზღვაურთა სასწავლო, საწვრთნელი და სერტიფიცირების ცენტრი. გაეცნენ მოქმედ საგანმანათლებლო პროგრამებს და საზღვაო აკადემიის სამომავლო გეგმებს.
▶ აღნიშნულ შეხვედრას საზღვაო აკადემიის წარმომადგენლობასთან ერთად, საზღვაო ტრანსპორტის სააგენტოს წარმომადგენელი ესწრებოდა.
