12-14 სექტემბერს საქართველოს საერთაშორისო საზღვაო ფორუმის ფარგლებში საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზღვაო აკადემიასა და შანხაის საზღვაო აკადემიას შორის ურთიერთთანამშრომლობის მემორანდუმი გაფორმდა.
მემორანდუმის მიზანია მხარეთა საერთო ინტერესების სფეროში შემავალ აქტუალურ საკითხებზე თანამშრომლობა ერთობლივი სასწავლო-საგანმანათლებლო პროექტების, სტუდენტებისა და პროფესორ-მასწავლებლების გაცვლითი პროგრამების განხორციელების მიზნით.
მემორანდუმის ფარგლებში დღეს, საზღვაო აკადემიას შანხაის საზღვაო აკადემიის წარმომადგენლობა ეწვია. 
სტუმრებმა სამომავლო ურთიერთთანამშრომლობის გაღრმავების მიზნით გაეცნენ არსებულ საგანმანათლებლო პროგრამებს და დაათვალიერეს საზღვაო აკადემიის მატერიალურ ტექნიკური ბაზა.