ბათუმის სახელმწიფო საზღვაო აკადემიის ბიზნესისა და მართვის ფაკულტეტზე გაიმართა მრგვალი მაგიდა აჭარის ა.რ. დასაქმების სააგენტოს ხელმძღვანელობასთან, თემურ კახიძესთან და ნანა დიასამიძესთან, თემაზე: „სტუდენტთა დასაქმების ხელშეწყობა და ერთობლივი პროექტების განხორციელება“.

შეხვედრაზე კიდევ ერთხელ იქნა განხილული შრომის ბაზარზე არსებული ვითარება, დასაქმების სააგენტოს მოქმედი და პერსპექტიული პროექტები, ამ პროექტების განხორციელებაში ბიზნესისა და მართვის ფაკულტეტის აკადემიური პერსონალისა და სტუდენტების ჩართულობის საკითხები და  ახალი საბაკალავრო საგანმანათლებლო პროგრამის „ბიზნესის ადმინისტრირება“-ს და სამაგისტრო საგანმანათლებლო პროგრამის "საერთაშორისო ბიზნესი და ლოჯისტიკა"-ს მნიშვნელობა რეგიონის შემდგომი განვითარებისათვის.