ბათუმის სახელმწიფო საზღვაო აკადემია მასწავლებელთა შერჩევის მიზნით აცხადებს ღია კონკურსს ფაკულტეტების მიხედვით. კონკურსი გამოცხადდეს საზღვაო საინჟინრო ფაკულტეტის ყველა სასწავლო დისციპლინასა და ბიზნესისა და მართვის ფაკულტეტის ყველა სასწავლო დისციპლინაზე.

ძირითადი საკონკურსო პირობებია კანდიდატის აკადემიური ხარისხის/საკვლევი ნაშრომის/სერტიფიკატის შესაბამისობა იმ სასწავლო კურსის თემატიკასთან, რომლის წაყვანას აპირებს კანდიდატი, ან კანდიდატს უნდა გააჩნდეს პრაქტიკული გამოცდილება იმ სფეროში, რომელსაც განეკუთვნება სასწავლო კურსი. კონკურსის შემთხვევაში უპირატესობა მიენიჭება კანდიდატს, რომელსაც აქვს სასწავლო კურსის სწავლების უკეთესი გამოცდილება და სწავლების პროცესში უკეთესად იყენებს დარგის/სფეროს უახლეს ინფორმაციას. აგრეთვე უპირატესობა მიენიჭება კონკურსანტს,  რომელსაც შეუძლია ლექციის უცხო ენაზე ჩატარება.

კონკურსში მონაწილეობის მსურველთა რეგისტრაცია იწარმოებს 2018 წლის 18 ივნისიდან  30 ივნისის  ჩათვლით.

კონკურსში მონაწილეობის მსურველებმა  რეგისტრაციისათვის უნდა წარმოადგინონ შემდეგი დოკუმენტები:

ა) მაგისტრის/დოქტორის ან მასთან გათანაბრებული აკადემიური ხარისხის განათლების დამადასტურებელი დოკუმენტი;

ბ) პირადობის დამადასტურებელი დოკუმენტი;

გ)  3X4 ფორმატის ფოტოსურათი;

დ) აკადემიის მიერ დადგენილი ფორმის შესაბამისად შევსებული CV (იხ.მიმაგრებული ფაილი);

ე) საკუთარი კომპეტენციის დამადასტურებელი დამატებითი საბუთები (სერტიფიკატების, გამოქვეყნებული კვლევითი და სასწავლო-მეთოდური ხასიათის შრომების, სხვა უმაღლეს საგანმანათლებლო დაწესებულებაში ანალოგიური სასწავლო კურსის სწავლების გამოცდილების და სხვა), რომლის საფუძველზე შესაძლებელი იქნება მისი დაშვება გამოცხადებულ სასწავლო კურსის სწავლებაზე;

ვ) მეზღვაურთათვის - მართვის/ექსპლუატაციის დონის დამადასტურებელი დოკუმენტი (კომპეტენციის სერტიფიკატი), ზღვაოსნობის სტაჟით არანაკლებ 3 წლისა.

ზ) სილაბუსი გამოცხადებულ სასწავლო კურსში ( საჭიროების შემთხვევაში);

თ) ინგლისური ან/და სხვა უცხო ენის ფლობის დამადასტურებელი სერტიფიკატი.

კონკურსში მონაწილეობის მსურველთა განცხადებების მიღება ელექტრონულად.

საკონკურსო განაცხადებების განხილვა იწარმოებს 2018 წლის 02 ივლისიდან  06 ივლისის ჩათვლით.

09 ივლისიდან 20 ივლისამდე მოხდება კომისიის მიერ კონკუსრანტთა გასაუბრება და საჭიროების შემთვევაში საცდელი მეცადინეობების ჩატარება. გასაუბრებაზე შესაძლებელია მოწვეულ იქნან შესაბამისი სასწავლო/აკადემიური დეპარტამენის უფროსები.

კონკურსის შედეგები საჯარო გაცნობის მიზნით განთავსდება აკადემიის საინფორმაციო დაფაზე და გამოქვეყნდება აკადემიის ოფიციალურ ვებ-გვერდზე არა უგვიანეს 2018  წლის 20  სექტემბრისა.

კონკურსის ჩატარებასთან დაკავშირებული სხვა საკითხები იხილეთ „მოწვეულ მასწავლებელთა შერჩევის  წესი“-ს შესაბამისად. 

გთხოვთ გაიაროთ ელექტრონული რეგისტრაცია