2017 წლის 1 და 2 აგვისტოს, საქართველოს ეკონომიკისა და მდგრადი განვითარების სამინისტროს სსიპ ბათუმის სახელმწიფო საზრვაო აკადემიაში მილენიუმის ათასწლეულის გამოწვევის ფონდი - საქართველოს (MCA-Georgia) პროექტის „პროფესიული განათლება ეკონომიკის განვითარებისთვის” (ISWD) საგრანტო პროექტის ფარგლებში გაიმართა BTEC (Business and Technology Education Council) ბიზნესისა და ტექნოლოგიების საგანმანათლებლო საბჭოს ტრენინგი მოდულურ პროფესიულ საგანმანათლებლო პროგრამებში ჩართული პედაგოგებისა და ადმინისტრაციული პერსონალისათვის.

▶ ეს იყო პარტნიორთა მიერ დაგეგმილი საგანმანათლებლო მომსახურების მეორე ეტაპი - ტრენინგი თემაზე „პედაგოგიური მიდგომა და სწავლების ფილოსოფია, დავალების შემუშავებისა და შეფასების გზამკვლევი“, რომელსაც ატარებდა ატარებდა BTEC -ის ტრენერი და გარე აუდიტორი კრისტოფერ მორისი.

▶ ტრენინგზე განხილული იყო შემდეგი საკითხები: დავალების შემუშავების მიდგომები, აქტივობები, უკუკავშირი და დისკუსია აუდიტორიასთან, შიდა ვერიფიცირება, შიდა ვერიფიცირების პროცესის მართვა, შეფასების პრაქტიკა, მსმენელთა შეფასება სტანდარტის მოთხოვნების შესაბამისად, აქტიობები, რეფლექსაცია. მუშაობა მიმდინარეობდა ღია და ინტერაქტიურ გარემოში. მსმენელებმა გამოავლინეს დაინტერესება წარმოდგენილი მასალის მიმართ და აღნიშნეს რომ ჩატარებული მუშაობა საკმაოდ ნაყოფიერი იყო.